Emynau Nadolig :

CRIST Y BABAN

TÔN – DENNIS 

Addolwn faban Mair,

A gwsg mewn preseb tlawd;

Daeth Mab y Tad i’n daear ni,

Daeth Duwdod yn y cnawd.

A Mair ei fam yn gweld

O’n cysgu yn y gwair,

’R addewid wnaed gan Gabriel gynt,

A ddaeth yn wir bob gair.

Roedd deigryn ar ei grudd,

Mor addfwyn oedd ei gwedd,

A roddodd gusan ar ei ben,

A gorffwys wnaeth mewn hedd.

Daeth cariad Duw yn llawn

Yn Iesu i ni’n rhodd.

Ef yw ein Ceidwad, ef ein brawd,

Diddanydd wrth ein bodd.

Ei glodydd canwn byth

A llais a chalon lawn;

Fendigaid Geidwad mawr y byd,

Ein gobaith ynddo gawn.

© 2006 : Colin Gordon-Farleigh

Cyf. Eirlys Gruffydd